Ұлы даланың шекарашылары

Қатпарлы тарихтың қойнауына көз жүгіртер болсақ, кең көңілді қазақтың ұлы даласының шертер сырлары өте көп

Тәуелсіздігімізге тәу етіп жүрген бейбіт күнімізде жауынгерлік ерліктерімен жерімізді қорғап қалған бабаларымызға мың алғыс айтмыз. Жүріп өткен тарихымызда не түрлі аумалы-төкпелі замандардың ұлтымыздың басында болғаны анық. Сондықтан да біз егемендік секілді бағымыздың баянды болуын тілеуден жалықпаған ұрпақпыз. Ал ел шетін көздің қарашығындай күзетіп жүрген бүгінгі күннің шекара сақшыларының еңбектері шаш етектен.

Иә, перзенттік міндетті жоғары дәрежеде орындау жолында әр адам түрлі мамандықты таңдай отырып, өскен өлкенің гүлденуіне үлесін тигізеді. Табиғи заңдылық. Ал, шекара шебін қырағы күзетіп жүрген сайыпқырандарымыздың ғасырлардың көшінен бүгінгі күнге дейін жат елдіктің саусағының ұшын тигізбей сақтаған мемлекеттік шекарамызды қылау түсірместен күзетіп жүрген қызметтерін ерлікке теңеуімізге болады.

Кеудеміздегі жұдырықтай жүрегімізден шыққан туған жерге деген адалдығымыз үнемі бізді Отанға деген шынайы сезімге толы қызметке жетелейді. Мұндай ар алдындағы жанкештіліктің шегі жоқ. Себебі, ата-ана, туған-туыс, дос-жаранның жиынтығынан құралған өскен өлкеге деген мөлдір сезімге толы шекарашылардың қызметі ешқашан да уақыттың өлшем бірлігінің ауқымына сыймайды. Себебі, мемлекетке деген қалтқысыз қызметтерін бойларынан жандары шыққанша жалғасатын қасиетті парыз екені белгілі.

Елінің қорғаны болу үшін дүниеге келген нар ұлдардың ісі қашанда елі мен жеріне деген маңдай терін төгер қызметімен бағаланатыны белгілі. Сондықтан да шекарашылардың сапында жүрген әр әскери қызметшінің іс-әрекеті жүктелген тапсырманы жауапкершілікпен орындауымен өзіне лайықты бағасын алып жүр. Мұны біз шекара сызығын асқан сақтықпен күзетіп жүрген жұмыстарын теңізге қосқан тамшыдай деп баға берсек, шекара ұжымдарының ел шетін күзетудегі үлестерін – өркениетті замандағы мұхиттың үстінен найзағай атып, дауыл тұрғызар нағыз ұлы даланың батырларының ғана қолынан келер ауыр қызмет деп айтуымызға толық негіз бар!

Осындайда сулы, нулы, таулы болып келетін жұмақтай мекенді соңғы демдері қалғанша қорғап, ұрпақтарына шашау шығармастан атадан балаға мұра қылып тастаған батыр бабаларымыздың өлшемі жоқ еңбектерінің бағасы сезіледі. Осы тұста әр қандасымыздың бойындағы тұлпардың жалын тарта мінген текті ұлттың қасиетке толы асыл рухтың өзіне тәуелділікті мақтан тұтар сезімі ойнап қоя берері анық.

Ата-бабасы мен өскен жері үшін, Отаны үшін адамзат ұрпағы өзінің заманындағы қатар өмір сүріп жатқан мемлекеттерге ұялмастан тіке қарай алатын жастар мен келешек ұрпақ осындай жетістіктің арқасында дүниеге келетін болса керек. Біз осындай тарихымыз бен қатар шекара сақшыларымызбен де мақтануымыз қажет!

Манарбек Қарекенов,

ҚР ҰҚК ШҚ Қостанай облысы бойынша Департаменті, майор

Редактор

Recent Posts

Экс-топ-менеджер Freedom Темерлан Беков требует удалить статью об уголовном деле против него

Алматы. 6 октября. Бывший топ-менеджер структуры Freedom Finance Темерлан Беков требует удалить статью об уголовном…

3 дня ago

Более 16 млрд тенге направили на развитие спорта в Костанайской области в 2025 году

Об этом на брифинге РСК сообщил руководитель КГУ «Центр подготовки олимпийского резерва» Управления физической культуры…

3 дня ago

Торжественное мероприятие, посвященное Дню учителя, прошло в Костанае

Награды получили 45 выдающихся педагогов области. Об этом пишет "Наш Костанай" (далее…)

7 дней ago

В триатлон-парке состоялся велопробег в честь дня рождения газеты «Наш Костанай»

Это мероприятие проходит третий год подряд. Пишет "Наш Костанай" (далее…)

3 недели ago

На знание языков: квиз для школьников прошёл в Костанайском районе

Свою эрудицию показали ученики школ им. Павлова и им. Кадыра Каримова. День языков в Казахстане…

3 недели ago

This website uses cookies.