Науырзым ауданында биыл жауын-шашын аз болып тұр.
Бұл жер баптаған диқандар үшін ғана емес, барша халыққа уайым. Жауын мол болып, егін бітік шықса елге де берекелі болары сөзсіз. Күн ысып, құрғақшылық болғанда тасаттық беріп, жауын тілеу бұрыннан бар жоралғы. Осы жоралғыны науырзымдықтар да сақтап, Алладан жаңбыр тілеп, тасаттық берді.
Халқымыздың әдет ғұрпында құрбандық шалынып, тасаттық жасау дәстүрі бұрыннан бар. Ол, әсіресе, жауын-шашын аз болған кездері жүзеге асырылады. Бұл дәстүр баршамызға жақсы таныс. Баршаның тілегі қабыл болып, егілген тұқым бітік шығып, қамбамыз мол астыққа толсын деген жамағат бас қосты.
Ауданның бас имамы Есет Ғәбдімәлік жиылған жамағатқа тасаттық беру, күнәларға тәубе етіп, кешірім сұрау Алланың рақымына жол ашатын ең ұлы амал екенін атап өтті. Одан кейін жамағатпен бірге намаз оқылып, Алладан жаңбыр тілеп, дұға жасалды. Диқандардың еңбектері жанып, ырыс-берекелері арта беруі үшін дұға тіледі. Аудан әкімі Мәди Өмірзақұлы бастаған ел азаматтары бірігіп қара малды құрбандыққа шалып, жағдайы төмен, көп балалы отбасыларға құрбандық етін таратып берді. Еліміз бен жеріміздің тыныштығы үшін бата жасалды.
-Биыл ауданымызда жауын-шашынның көлемі аздау болып тұр. Қазір егіннің бітік шығуы үшін жауын керек-ақ. Мұндайда қазақ тасаттық беріп, құрбан шалады, тілек тілейді. Бұл қазақ халқының табиғатқа деген құрметін, жауын-шашынның маңыздылығын және жердің құнарлығын арттыруға деген ұмтылысын көрсететін ерекше салт-дәстүр. Оның мәні қазіргі таңда да өзекті. Тасаттық арқылы қазақ халқы табиғатпен үйлесімділікті сақтап, рухани және мәдени құндылықтарын нығайтуды көздеген. Көп тілегі қабыл болады, әрі мұқтаж жандарға көмек болса батасы тиеді, – дейді аудандық Түркебай ата мешітінің бас имамы Есет Ғәбдімәлік.
Қуаңшылық пен құрғақшылықтан қауіптенген жұрт өңірлерде жаппай тасаттық беріп жатыр. Осы үрдістен қалмаған науырзымдықтар да тасаттық намазына күннің ыстығына қарамастан жиналды. Құран бағышталып, Алладан жаңбыр тіледі. Көптің тілеуі қабыл болып, сол күні жауын жауып, ел қуанышқа кенелді.
Ай Әбділда
В открытом диалоге участники обсудили, как создание безопасной среды и качественных условий способствуют раскрытию способностей…
В Детско-юношеской спортивной школе города Костаная состоялось торжественное мероприятие: чествовали Бексултана Кайратулы — победителя чемпионата…
Как сообщила пресс-служба ДП на транспорте, 17 мая сотрудники линейного отдела полиции на станции Костанай…
Вчера, 14 мая, около 17 часов на железнодорожной станции Костанай едва не произошла трагедия. (далее…)
В регионе активно развивается племенное животноводство — одно из ключевых направлений сельского хозяйства региона. Об…
23 мая станет последним учебным днем для школьников области, сообщили в управлении образования. В этот день во всех школах страны состоится Единый классный час под девизом «Білімім — Отаныма». (далее…)
This website uses cookies.