Қостанай ауданында пробация есебіндегі азаматтарға құқықтық көмек көрсетілді

Қостанай ауданы әкімдігінің «Жұмыспен қамту және әлеуметтік бағдарламалар бөлімі» мемлекеттік мекемесінің мемлекеттік әлеуметтік тапсырысы аясында «Қостанай ауданында пробация есебінде тұрған және бас бостандығынан айыру орындарынан босатылған азаматтарды қайта әлеуметтендіру мен оңалту жұмыстарын ұйымдастыру» жобасы іске асырылуда.

Жобаны «Жанашыр бол» қоғамдық бірлестігі жүзеге асыруда.

Аталған жоба аясында пробация қызметкерлері мен қоғамдық бірлестік мүшелері бірігіп, Тобыл қаласында есепке алынған азаматтар арасында рейдтік іс-шара өткізді. Рейд барысында тұрмыстық жағдай тексеріліп, сауалнама жүргізілді, сонымен қатар құқықтық кеңес беру ұйымдастырылды.

-Рейд кезінде көптеген азаматтарға заңгерлік кеңес бердік. Мысалы, есепте тұрған А есімді азаматшаның жұбайы қайтыс болған. Ол баласына әкелікті ресми түрде мойындатып үлгермеген екен. Баланың туу туралы куәлігі №4 формада берілген. Бұл жағдайда әйел адам сотқа қайтыс болған адамның баланың әкесі екенін тану туралы талап арыз жазуына болады. Сот шешімі шыққаннан кейін бала әкелігі танылған болып есептеліп, негізгі асыраушысынан айырылғаны үшін мемлекеттен әлеуметтік көмек алуға мүмкіндігі болады,-дейді заңгер Жасгүл Тоқжанова.

Сондай-ақ, заңгер азаматшаның мемлекеттік тұрғын үй кезегіне тұруға өтініш беру құқығы бар екенін де атап өтті. Бұл ретте оған «Жанашыр бол» қоғамдық бірлестігі тарапынан қолдау көрсетілетіні айтылды.

Рейд барысында Б есімді азамат өзінің барлық банк шоттарында шектеу қойылғанын айтып, оны шешу жолдарын сұрады. Тағы бір бақылаудағы азамат барлық қарызын өтесе де, жеке сот орындаушысынан шектеу алынбағанын жеткізді.

-Бұл азаматтың квота бойынша жұмыс істейтіні анықталды. Ол жеке сот орындаушысына (ЖСО) жазбаша түрде атқарушылық жазбамен танысу туралы өтініш бере алады. Кейін атқарушылық жазбаны тоқтату туралы шағым түсіруге де құқылы. Егер шағым қанағаттандырылса, борышкерлік туралы жазба күшін жойып, барлық банк шоттары ашылады, азамат борышкерлер тізімінен шығарылады,-деп түсіндірді заңгер.

Ал екінші азамат барлық қарыздарын төлегенін растайтын чектерді жинап, ЖСО-ға борышкерліктен шығару туралы шағым жазуы жеткілікті.

Сондай-ақ, В есімді азамат заңгерлік кеңеске жүгініп, жеке кәсіпкерлікті (ЖК) өз бетінше қалай ашуға болатыны туралы сұрады. Заңгердің айтуынша, азаматтың ЖК ашуға толық құқығы бар. Оған қажетті құжаттар мен рәсімдеу жолдары түсіндірілді. Сонымен қатар, ЖК ашылғаны туралы құжатты пробация қызметіне ұсыну қажет екені айтылды.

Бақылаудағы Е есімді азамат Ресей Федерациясынан азаматтық алу мәселесін көтерді. Заңгердің айтуынша, азамат Ресейдің көші-қон қызметіне өтініш жаза алады. Алайда ол үшін Қазақстандағы пробация тізімінен шығуы және барлық сот актілерін орындауы қажет.

Гүлжан БӨЛЕГЕН

Редактор

Recent Posts

Экс-топ-менеджер Freedom Темерлан Беков требует удалить статью об уголовном деле против него

Алматы. 6 октября. Бывший топ-менеджер структуры Freedom Finance Темерлан Беков требует удалить статью об уголовном…

3 дня ago

Более 16 млрд тенге направили на развитие спорта в Костанайской области в 2025 году

Об этом на брифинге РСК сообщил руководитель КГУ «Центр подготовки олимпийского резерва» Управления физической культуры…

3 дня ago

Торжественное мероприятие, посвященное Дню учителя, прошло в Костанае

Награды получили 45 выдающихся педагогов области. Об этом пишет "Наш Костанай" (далее…)

7 дней ago

В триатлон-парке состоялся велопробег в честь дня рождения газеты «Наш Костанай»

Это мероприятие проходит третий год подряд. Пишет "Наш Костанай" (далее…)

3 недели ago

На знание языков: квиз для школьников прошёл в Костанайском районе

Свою эрудицию показали ученики школ им. Павлова и им. Кадыра Каримова. День языков в Казахстане…

3 недели ago

This website uses cookies.